Al Quran Surah Al-Nisa 4 Ayat 135

Insaaf or Gawahi

Allah ke naam se jo bara meharban nehayat reham wala hai

Aye eman walo, insaaf per khoob qaaim rehne wale or Allah ke liye gawahi dene wale bane raho, chahe wo (Insaaf or Gawahi) tumhare apni zaat ya tumhare waldain or rishtedaron ke khilaaf hi ho. Wo (fareeq mamla) khua ameer ho ya ghareeb, Allah beharhaal tum se ziada un ka kherkhua hai. Lehaza apni khuahish nafas ki pervi na karo aisa na ho ke tum haq se hat jaao or agar tum ne (Insaaf or gawahi ke mamle main) lagi lipti baat kahi ya sachaai se pehloo bachaya to bila shuba Allah tumhare aamal ki poori poori khabar rakhta hai