Islamic SMS

Allah ke naam se jo bara meharban nehayat reham wala hai

(aye Musalmano) keh do ke hum to eman rakhte hain Allah per or us ki hidayat per jo hamare taraf nazil hui hai

or jo Ibraheem (P.B.U.H) , or Ismaeel (P.B.U.H), Ishaq (P.B.U.H), Yaqoob (P.B.U.H) or olad Yaqoob (P.B.U.H) ki taraf nazil

hui thi or jo Moosa (P.B.U.H) or Essa (P.B.U.H) or dosre tamam pegambaron ko un ke rab ki taraf se di gai thi hum un main

se kisi ke darmiyaan koi fark nahin karte or hum Allah hi ke Muslim (or atat karne wale) hain

Sacha deen

Allah ke naam se jo bara meharhan nehayat reham wala hai

(is se barh kar neeshani kia hogi ke) hum ne Aap (P.B.U.H) ko aik sacha deen de kar bheja hai ke

(manne walon ko) khuskhabri sunate rahye or (na manne walon ko saza se) darate rahye ab jo log (khudhi)

jahanum se rishta jor chuke hain un ki taraf se aap (P.B.U.H) se koi sawal nahin kia jaae ga.

Gumrah log

Allah ke naam se jo bara meharban nehayat reham wala hai

Naadan (jo ilim nahin rakhte) keh dete hain ke Allah khud hum se baat kun nahin karta ya koi neshani (or daleel) hamare paas

kun nahin aati aise hi batain in se pehle log bhi kia karte the in sab (agle pichle gumrahon) ki zehniyatain (or dil) aik dosre se

milte julte hain jo log yaqeen rakhte hain un ko samjhane ke liye to hum nishaniyaan (daleelon ke sath) saf saf bayan kar chute hain

Bhalai ke kaam

Allah ke naam se jo bara meharhan nehayat reham wala hai

(Aye eman walon) salat pabandi se ada karte raho or zakat dete raho tum apni aakbat keliye

jo kuch bhalai (or neki) kama kar aage bhejo ge use Allah ke paas mojood paao ge yaqeenan

jo kuch (aamal) karte ho wo sab Allah ki nazar main hain

afoo darguzar

Allah ke naam se jo bara meharban nehayat reham wala hai

bohot se ehle kitab to dil hi se ye chahte hain ke tum ko tumhare eeman le aane ke bad phir se

kufr ki taraf palta le jaain agarcha haq un per zahir ho chuka hai magar apne nafs ke hasad ki

waja se tumhare liye un ki ye khuahish hai is ke jawab main tum afoo darguzar se kaam lo yahan

tak ke Allah apna hukum nazil kare yaqeenan Allah har cheez per kudrat rakhta hai

Allah har cheez per qudrat rakhta hai

Allah ke naam se jo bara meharban nehaayat reham wala hai

hum apni jis aayat ko mansookh kar dete hain ya bhula dete hain to hum is se behtar

ya wesi hi dosre aayat nazil kar dete hain kia tumhain maloom nahin ke Allah har cheez

per qudrat rakhta hai kia tum nahin jaante ho ke zamin or aasmanon ki saltanat Allah hi ke

liye hai or Allah ke siva koi tumhare khabar geri karne wala or madad karne wala bhi nahin hai

Rehmatain or Barkatain

Allah ke naam se jo bara meharban nehayat reham wala hai

ye kafir log jinhon ne dawat haq kabool krne se inkaar kar dia hai khua ehle kitaab main se hon ya mushrakeen main se wo

ise zara bhi pasand nahin karte ke tumhare ooper koi bhi bhalai tumhare rab ki taraf se nazil ho magar Allah to jise chahta hai us

ko apni khas rehmaton or nematon se nawazta hai or wo hi bara fazal farmane wala hai

Kamyaabi ki khushkabri

Allah ke naam se jo bara meharban nehayat reham wala hai

Aap (P.B.U.H) keh dijiye ke jo Jibraeel (aleh salam) ka mukhalif hai use maloom ho jaana chahiye ke Jibraeel

ne Allah ke hukum se ye Quran Aap (P.b.U.H) ke qalb per nazil kia hai (wohi) pehle aai hui kitabon ki tasdeek

karta hai or (wohi) eeman laane walon ke liye hidayat or kamyaabi ki kushkabri ban kar aaya hai (keh dijiye ke)

jo Allah or us ke Farishton or us ke Rasoolon or Jibraeel or Meekaael (aleh salam) ke dushman hain to aise kafiron

ka Allah bhi dushman hai.

sifarish or fidya

Allah ke naam se jo bara meharban nehayat reham wala hai

Aye bani israeel mera wo eenam yaad karo jo main ne tum per kia hai or is baat ko ke main ne tumhain dunya ki sare qomon

per fazeelat ata ki thi or daro us din se jis main koi shakas kisi ke kaam na aae ga or na koi sifarish us ki taraf se kabool hogi

or na kisi ko fidya le kar chora jaae ga or na mujrimon ko kahin se madad mil sake gi

Farman bardar bande

Allah ke naam se jo bara meharban nehayat reham wala hi

tum dosron ko to neki ka rasta ikhtiyaar karne ke liye kehte ho magar apne aap ko bhool jaate ho

halake tum kitab (eelahi) parhte rehte ho kia tum akal se milkul hi kaam nahin lete? sabar or

namaz ke zarye madad talab karte raha karo bilashuba ye aik sakht mushkil kaam hai magar

un farmabardar bandon ke liye mushkil nahin jo ye samajhte hain ke aakhir unhain apne rab

se mulaqat karna hai or use ke paas wapas jaana hai.